Размер шрифта:
A A A
Цветовая схема:
A A

ЖАСТАР ЖОБАЛАРЫ ТУРАЛЫ АҚПАРАТ

1) 1 (2,3,4,5) айға арналған әлеуметтік жоба ұсынуға болады ма?

Жоқ, барлық жобалардың іске асырылуы алты айға көзделуі тиіс.

2) Жобаларды орындауда менің міндеттемелерім қандай?

Сіз тек бір жобаны ғана іске асыра аласыз.

Бір қатысушы Жобаға тек қана бір рет қатысуға құқылы.

Сіз іске асырып жатқан жобаның ұзақтығы алты айдан кем болмауы тиіс.

Гранттың қаражаты тек қана жобаны іске асыру үшін пайдаланылуы тиіс.

Қатысушылар жобаны іске асыру үшін өзге көздерден қосымша қаржыландыру тарта алмайды, жеке өз қаражаттарын салуға болады.

Жоба қатысушысы есептік айда команда не істегені жөнінде толық ақпаратпен фотоматериалдарды қоса бере отырып, ай сайынғы есепті ұсынуы тиіс.

Жобаны іске асырудың ортасында және соңында қатысушылар, барлық растаушы құжаттарды қоса бере отырып, бағдарламалық және қаржы есептерін тапсыруы тиіс.

Жобаны іске асыру басында және соңында өмірлік маңызы бар дағдыларға және жобалық басқаруға міндетті 4-күндік оқыту тренингтерінен өту қажет.

Бекітілген ментормен үнемі, кем дегенде айына 1 рет кездесу қажет.

3) Мен көшуге байланысты жобадан шыға аламын ба?

Бұндай жағдайды болдырмаған жақсы, себебі сіз тиісті білім мен дағдылар жиынтығын соңына дейін меңгере алмайсыз. Бұл жағдайда Жобамен міндеттемелерді бұзу үшін, тез арада ұйымдастырушыларға хабарлау қажет. Келісімшартта ҚР заңнамасына сәйкес шартты бұзу тетігі сипатталады.

4) Жобадан шығып кеткен қатысушыны ауыстыруға бола ма?

Топтағы қатысушыларды ауыстыруға болмайды. Сондықтан, қатысушы жобаға қатысудан бас тартқан жағдайда, алдын ала топты 4 (немесе 5) адамнан құрған жақсы. Бұл жағдайда, жобаны 3 (немесе 4) қатысушы жалғастыра алады. 2 адамнан тұратын топ жобаны жүзеге асыра алмайды.

5) Қандай жобаларға қолдау көрсетіледі?

Әлеуметтік идея таңдауы шектелмеген. Сіз кез келген әлеуметтік маңызды бастамаларды ұсына аласыз. Бағдар үшін келесі бағыттар берілген, алайда бұл бағыттармен шектелмеңіз.

  • білім беру жобалары (білімді, кәсіби және бәсекеге қабілетті қоғамды дамытуға бағытталған жобалар);
  • салауатты өмір салты және спорт (көпшілік спортты, салауатты өмір салтын дамыту мен насихаттауға, дене шынықтыру саласындағы бастамаларды қолдауға және пайдалы тағамдармен тамақтануды насихаттауға бағытталған жобалар);
  • мәдениет және бос уақыт (шығармашылық бастамаларды қолдау мен дамытуға, тұрғындардың әртүрлі санаттары үшін бос уақыт кеңістігін қалыптастыруға бағытталған жобалар);
  • патриоттық және азаматтық белсенділік (рухани-өнегелі және патриоттық құндылықтарды ілгерілетуге; белсенді азаматтық ұстанымды және құқықтық мәдениетті қалыптастыруға бағытталған жобалар);
  • отбасылық құндылықтар және дәстүр (отбасы институтын нығайтуға, ұлттық дәстүрді сақтау мен көпшілікке таратуға бағытталған жобалар);
  • экология және абаттандыру (экологиялық мәдениетті қалыптастыруға, энергия үнемдеу технологияларын қоғамның өміріне енгізуге, жергілікті аумақтарды абаттандыру саласындағы бастамаларды дамыту мен қолдауға бағытталған жобалар);
  • ғылым және техника (жастарда инновациялық ойлауды қалыптастыруға, жас адамдарды ғылыми-эксперименттік қызметпен айналысуға ынталандыруға бағытталған жобалар);
  • туризм (ішкі туризмді дамытуға, сонымен қоса туған өлкенің табиғи және тарихи мұрасын зерделеуге бағытталған кіші жобалар);
  • ауылды дамыту (ауылдық жерлерге және ауылдық өмір салтына оңкөзқарас қалыптастыруға, ауыл тұрғындарына өмірлік іс әрекетінің жайлы жағдайларын құруға бағытталған жобалар);
  • волонтерлік бастамалар (тұрғындардың әртүрлі санаттарын волонтерлік қызметке тартуға, қоғамға адал ниетпен қызмет ету қағидаттарын көпшілікке таратуға бағытталған кіші жобалар) және басқалары.

6) Мен жастар жобаларының негізгі бағыттарында көрсетілмеген жобаға өтінім бере аламын ба?

Иә, Жоба  бағыттары шектелмеген, жалғыз шарт – жоба міндетті түрде әлеуметтік болуы, яғни сіздің қалаңызға, ауылыңызға, жергілікті тұрғындарға пайда әкелуі тиіс.

7) Әлеуметтік жобаны жазу туралы кеңесті қайдан ала алмын?

Гранттық конкурс кезінде әр облыста аудан деңгейінде барлық тілек білдірген жастар үшін әлеуметтік жобаны әзірлеу бойынша ашық семинарлар өтеді. Семинарда сіздің жобаңыздың бағыты мен мазмұнын белгілеуге көмек көрсетеді. Семинарға қатысу үшін алдын ала тіркелу қажет.

Семинарлар 2019 жылғы 15 наурыздан бастап 14 сәуірге дейн жүргізіледі. Сіз жобаны дұрыс жазу үшін, тобыңызбен тіркеліп, семинарға қатыса аласыз. Тіркелу сайттағы жеке кабинетте жүргізіледі. Тіркеусіз семинарға қатыса алмайсыз – орындар саны шектеулі. Әр облыста 50-ге жуық семинар өтеді – порталда, жарқағаздарда немесе әлеуметтік желілерде кестені бақылап отырыңыз.

Семинарларды тәжірибелі жаттықтырушылар жүргізеді. Сізге жобаңыздың мақсатын, іс-шаралар жоспарын және бюджетін анықтауға көмектеседі.

Сондай-ақ, кеңес алу үшін сіз облысыңыздағы біздің аймақтық кеңсеге немесе қабылдаушы ұйымға жүгіне аласыз. Аймақтық кеңсе мен қабылдаушы ұйымдардың байланыс деректері біздің сайтта көрсетілген.

8) Конкурсқа қатыса алатын жобалардың үлгілері бар ма?

Біздің сайтта сіз өткен жылдары Жоба қатысушыларымен іске асырылған жобалармен таныса аласыз: 2017 жылы –  https://zhasproject.kz/ru/news/success-stories-2017; 2018 жылы – https://zhasproject.kz/ru/page/projects-2018 .

9) Жобаларды іске асыру кезінде қиындықтар туындаған жағдайда мен кімнен кеңес ала аламын?

Сіз Жобаның call-орталығына 8 800 080 15 20 нөмірі бойынша хабарласа аласыз, онда сізге барлық қажетті ақпарат беріледі. Жобаны іске асыру барысындағы есептілікті ұсыну жөнінде кеңес алу үшін Үйлестіру агенттігінің аймақтық кеңсесіне жүгіне аласыз.

10) Мен өз аймағымдағы аймақтық үйлестірушімен кездесе аламын ба?

Сіздің аймағыңызда Үйлестіру агенттігінің аймақтық кеңсесі жұмыс жасайды. Сіз ұйымдастырушылық және консультациялық көмек алу үшін аймақтық үйлестірушімен кездесе аласыз. Оған қоса, сіз гранттар бойынша менеджерге немесе оқыту бойынша менеджерге жүгіне аласыз. Үйлестіру агенттігінің аймақтық кеңсесінің байланыс деректері біздің сайтта https://zhasproject.kz/kz/page/contacts сілтемесі бойынша орналасқан.

  • 1
  • 2