Размер шрифта:
A A A
Цветовая схема:
A A

БЕНЕФИЦИАРЛАР ҮШІН ӨТІНІМ БЕРУ ПРОЦЕСІ

1) Егер менде идея болса, бірақ мен оны қалай сипаттайтынын білмесем, не істеуім керек?

Сайтта жобаны әзірлеу туралы ақпарат бар – қадамдық нұсқаулықпен, сондай-ақ осы қадамдарды сипаттайтын бейне бар. Сондай-ақ, сізге идеяны жобада сипаттауға көмектесетін қабылдаушы ұйымнан консультация алуға болады.

Қосымша инстаграмада тікелей эфирлер жүргізіледі, онда жобаны әзірлеу және өтінімді рәсімдеу жөнінде қосымша түсіндірілуі мүмкін.

2) Қатысу үшін өтінімді қалай береді?

Жобаға қатысу үшін сіздер 3-5 адамнан бірігіп, топтың көшбасшысын таңдауларыңыз қажет.

Топтың әр мүшесі сайттағы қатысушының сауалнамасы нысанын толтырып жеке тіркелуі қажет. Тіркелгеннен кейін әр қатысушыда www.zhasproject.kz сайтында жеке кабинеті болады.

Содан кейін, топ көшбасшысы жеке кабинеттегі жоба өтінімінің онлайн-нысанын толтыруы қажет. Өтінімнің әр тармағы толтырылуы тиіс. Топ көшбасшысы өтінімді конкурсқа жібереді, қатысушыларға топ құрамына кіргізілуі туралы ескерту келеді.

Өтінім нысанын толтырған кезде, сіз жобаны іске асыру тәсілін таңдай аласыз: өз бетіңізбен немесе қабылдаушы ұйымның қолдауымен. Қабылдаушы ұйымды таңдаған жағдайда, таңдалған ұйым да өтінімді растауы керек.

Сайттың жұмысында мәселелер мен іркілістер туындаған және 3 күн ішінде оларды шешу мүмкін болмаған жағдайда, жас қатысушыларға электрондық пошта арқылы жобалық өтінім берудіңбалама тәсілі ұсынылады.

3) Өтінім беру мерзімдері қандай?

2020 жылғы 1 ақпаннан бастап 1 наурызға дейін.

4) Өтінімнің нысанын қайдан табуға болады?

Гранттық бағдарламаға қатысу үшін өтінім Жобаның www.zhasproject.kz ақпараттық порталында онлайн режимде толтырылады.  Жобалық өтінімнің нысанымен алдын ала біздің сайтта таныса аласыз https://zhasproject.kz/kz/page/application-forms 

5) Өтінім беру үшін қандай құжаттар қажет?

  • топтың әр мүшесі жеке куәліктерінің (төлқұжаттарының) сканерленген нұсқалары;
  • кемінде 3 ай тұрақты тіркелуі туралы растау (ТАӘ, ЖСН көрсетумен, www.egov.kz сайтындағы жеке кабинеттен скриншот);
  • топ қатысушыларының білімі туралы құжаттардың сканерленген нұсқалары;
  • әр қатысушыға соңғы 12 ай үшін зейнетақы аударымдары туралы анықтамалардың сканерленген нұсқалары (2019 жылғы қаңтар – 2020 жылғы қаңтар кезеңі үшін);
  • гранттық бағдарламаға қатысу үшін ата-ананың (қамқоршылардың) біреуінің нотариалды куәландырылған рұқсат қағазының сканерленген нұсқасы (18 жастан кіші жастар үшін);
  • өтініш берушілердің қалауы бойынша басқа да құжаттар. Болған жағдайда, мүгедектік туралы анықтаманың, жұмыссыз ретінде тіркелу туралы анықтаманың (беру мерзімі 2020 жылғы қаңтар-ақпан), өтініш берушінің (отбасының) атаулы әлеуметтік көмек алушыларға тиесілігі туралы анықтаманың (2019 жылғы қазаннан 2020 жылғы қаңтар аралығында) сканерленген нұсқаларын және басқа да құжаттарды қоса беруді ұсынамыз.

6) Мен өз өтінімімді түзете аламын ба?

Сіз өз өтініміңізді Жобаның www.zhasproject.kz ақпараттық порталындағы жеке кабинетте, «өтінім беру» деген сілтемені басқанға дейін түзете аласыз. Өтінім бергеннен кейін Сіз оны түзете алмайсыз. Үйлестіру агенттігі Сізге өтінімді техникалық жағынан өзгерту қажет деп шешім қабылдаса,ол Сізге хабарлама жібереді.

7) Өтінімді рәсімдеуде негізгі талаптар қандай?

Барлық тармақтардың толтырылуы және барлық қажетті құжаттардың тіркелуі.

8) Мен құжаттарымды жинауға үлгермей жатырмын. Мен не істеймін?

Егер өтінім қабылдаудың соңғы күніне дейін Сіз қажетті құжаттарды жинай алмасаңыз, өкінішке орай, Сіз Жобаға қатыса алмайсыз.

9) Мен топ жинауға үлгермей жатырмын. Мен не істеймін?

Өзіңіз 3-5 адамнан тұратын топты жинай алмасаңыз, Сіз жобаға қатысу үшін топты қалыптастыруға көмектесу өтінішімен қабылдаушы ұйымға жүгінуге құқылысыз.

10) Өтінімді жалғыз бере аламын ба?

Жоқ, бастамашыл топ 3,4 немесе 5 адамнан тұруы қажет.

  • 1
  • 2