Размер шрифта:
A A A
Цветовая схема:
A A

ЖОБА ТУРАЛЫ ЖАЛПЫ СҰРАҚТАР

1)Жастар корпусын дамыту жобасы деген не?

Жастар корпусын дамыту жобасы– бұл жастарға арналған бірегей бағдарлама, оның шеңберінде жастарға өз кәсіби және көшбасшылық дағдыларын арттыруға, сондай-ақ жергілікті халыққа пайда әкелетін өз әлеуметтік жобасын іске асыруға мүмкіндік ұсынылады. Жобаның шеңберінде 14-тен 29 жасқа дейінгі жастарға (29 жасты қоса алғанда) әлеуметтік жобаларын іске асыру үшін 1 млн. теңгеге дейін гранттар беріледі, сондай-ақ өмірлік маңызы бар дағдыларға оқыту жүргізіледі.

2) «Дүниежүзілік банк» деген не?

Бүкіл әлем бойынша дамушы елдерге қаржылық және техникалық көмек ұйымдастыру мақсатында құрылған халықаралық қаржы ұйымы. Халықаралық қайта құру және даму банкі Дүниежүзілік банктің құрамдас бөлігі болып табылады, бұл Дүниежүзілік банктің құрамына кіретін бес ұйымның біреуі.

3) Жастар корпусын дамыту жобасы не үшін керек?

Жастардың білім және әлеуметтік деңгейін арттыру үшін, олар, мектепте және университетте оқытылмайтын, жаңа дағдылар алуы үшін. Сонымен қоса, әр жас өз қаласы, ауданы, ауылы үшін шынында маңызды жоба әзірлеп, іске асыра алады және өзі тұратын қоғамға пайдасын тигізе алады.

4) Жастар корпусын дамыту жобасын кім іске асырады?

Жастар корпусын дамыту жобасы – бұл Халықаралық қайта құру және даму банкі мен ҚР Білім және ғылым министрлігінің бірлескен жобасы. Жобаны конкурстық негізде анықталған Үйлестіру агенттігі іске асырады.

5) Жастар корпусын дамыту жобасын кім қаржыландырады?

Жоба Дүниежүзілік банк әкімшіліктендіретін Траст қоры арқылы Швейцариялық даму мен әріптестік  агенттігі есебінен қаржыландырылады.

6) Жобаға қанша адам қатысады?

2019 жылы Жоба құрамында 1000 әлеуметтік кіші жобамен 3500-ге жуық жасты қамтиды деп болжанған.

7) Жалпы сіздің жобаға ілігу қаншалықты мүмкін?

Бізге әр қатысушы маңызды. Біз барлығында өтінім беру мүмкіндігі болу үшін талаптарды барынша жеңілдеттік. Бар керегі – бұл ең төмен талаптарға сай келу (жасы, Жобаны жүзеге асыру аймағында мекендеуі), әлеуметтік идеяныңжәне ниеттестер тобының болуы.

8) Сіздер неліктен нақты осы аймақтарды таңдадыңыздар?

2020 жылға дейін Жоба Қазақстанның барлық аймағын қамтиды. 2017 жылы Жоба төрт облыста жүзеге асырылды – Алматы, Қарағанды, Павлодар, Оңтүстік Қазақстан облыстары. 2018 жылы Жоба Ақтөбе, Шығыс Қазақстан, Жамбыл, Қостанай, Қызылорда, Солтүстік Қазақстан облыстарында іске асырылды. 2019 жылы Жоба Ақмола, Атырау, Батыс Қазақстан, Маңғыстау облыстары мен Нұр-Сұлтан және Алматы қалаларында іске асырылады. Жобаны іске асырудың кезектілігін анықтау үшін, Жобаға ең көп қажеттілік мәні бойынша аймақтарға талдау жүргізілді. Демографиялық жүктеме, жастар еңбек нарығы мен жұмыссыздық, жастардың табысы, тәуекелді мінез-құлық сияқты және басқа да түрлі факторлар бағаланды. ҚР ҰЭМ Статистика комитеті ресми дереккөзінен алынған ақпарат және өз зерттеулеріміз пайдаланды.

9) Болашақта Жастар копусын дамыту жобасына басқа аймақтар қосылады ма?

Жоқ, Жоба 2017 жылдан бастап іске асырылады және 2020 жылға дейін созылады.

10) Мен тікелей ұйымдастырушылармен сөйлескім келеді

Сіз 8 800 080 15 20 нөмірі бойынша Жастар корпусын дамыту Жобасының call-орталығына хабарласа аласыз, онда сізге сұрағыңыз бойынша кеңес беріледі. Қазақстанның кез келген аймағынан қоңырау соғу тегін. Сондай-ақ, сіз Жобаның Facebook, Instagram немесе Vk.com әлеуметтік желілеріне немесе help@zhasproject.kz поштасына жаза аласыз. Сонымен қоса, 8 700 080 15 20 Whatsapp нөмірі жұмыс істейді.

  • 1
  • 2