Размер шрифта:
A A A
Цветовая схема:
A A

БАҚ біз туралы

24.02.2021

Талап пен еңбек, бәрін де жеңбек

Төрт жылдық қажырлы еңбек, таудай талап пен жаңашылдыққа ұмтылыс. Өмірлік маңызы бар дағдаларды үйрене отырып, өзің тұратын ортаңа пайда әкелумен қатар шыдамдылыққпен қиындықтарды еңсеру. Осының барлығы –  Жастар корпусын дамыту жобасы жастарының толағай табыстары.

28.12.2020

Жастар корпусын дамыту жобасы (Zhasproject) Алматы және Қарағанды ​​облыстары жастары үшін онлайн-конференция өткізді

Өткен аптада Жастар корпусын дамыту жобасы Алматы және Қарағанды облыстарында жастар жобаларын іске асыраудың қорытындылары бойынша онлайн-конференция өткізді.  Оған Дүниежүзілік банктің Орталық Азиядағы білім беру мәселелері жөніндегі жетекші маманы А.Вауда, ҚР БҒМ Техникалық және кәсіптік білім беру департаментінің директоры Н.Оспанова, Үйлестіру агенттігінің басшысы В.Ким, Алматы облысы Жастар саясаты басқармасының басшысы Э.Сапаров және Қарағанды облысы Жастар саясаты мәселелері жөніндегі басқарма басшысының м.а. Ж.Дүйсетаева қатысты.

21.12.2020

ЕЛІ ҮШІН ҚЫЗМЕТ ЕТІП ЖҮРГЕН ЕҢБЕКШЫҚАЗАҚ ЖАСТАРЫ

ЕЛІ ҮШІН ҚЫЗМЕТ ЕТІП ЖҮРГЕН ЕҢБЕКШЫҚАЗАҚ ЖАСТАРЫ

Елімізде төртінші жыл қатарынан жастар корпусын дамыту жобасы – «Zhasproject» жұмыс істеп келеді. Жоба мақсаты – осал топтағы жастардың әлеуметтік жобасына қайтарымсыз грант беріп, іске асыру барысында қолдау көрсету.

08.12.2020

Талдықорған жастары тегін тіс протезін жасауда

Адам ағзасының дұрыс жұмыс істеп тұруы үшін тістің саулығы өте маңызды. Жас кезде тіске дұрыс күтім жасалмаса, орта жаста тістің түсуі жиілеп кетеді. Ал ауыз қуыстағы жоқ тістің орнына тіс техниктері протез жасап беріп, адамның тамақ жеу қасиетін жеңілдетеді. Стоматологияда протездеу саласы осы тіс техниктері арқылы жүзеге асырылады, Toppress.kz деп хабарлайды.

16.11.2020

Жаңаарқа ауданында "Zolotaya" тігін шағын цехы ашылды. Jas Projec жастар корпусын дамыту жобасы цех ашуға 1 млн теңге грант берді.

Тігіншілер ұрпағынан шыққан Әйгерім Бекмырза бастаған жоба әлеуметтік болғандықтан, цех жарты жыл тегін жұмыс жасайды. Жоба аяқталғаннан кейін ғана бизнес іске қосылады.

11.11.2020

Тегін еден жуып, үй тазалап, пәтерлерді қоқыстан арылту арқылы, еңкейіп, еңбектене жүріп, кәсіп көзіне қадам басқан

«YAQҮT.KZ» бағдарламасының бүгінгі сұхбаты: Тегін еден жуып, үй тазалап, пәтерлерді қоқыстан арылту арқылы, еңкейіп, еңбектене жүріп, кәсіп көзіне қадам басқан нәзік жандылар туралы болмақ. Студия меймандары: «Zhas Project» жобасының жеңімпаздары Жансая Қияшпен Көркем Мұқанова (үш адам бірігіп жобаны қолға алған, үшінші әріптес-достары Айжан Қосубаеваның да есімін атай кетуді жөн көрдік.) әлеуметтік жобаны қолға алған.


1 миллион теңгенің қайтарымсыз грантына ие болған үш нәзік жандының бірі үш баланың анасы, екіншісінің карантин кезінде жұмысы тоқтап қалған. Жобалары қолдау тапқаннан бері 40-қа жуық үйді тазалап, ардагерлердің алғысын алып үлгерген. Шынымен де, көмекке мұқтаж жандар болса Октябрь ауданы әкімдігі әлеуметтік қызмет бөліміне хабарласуға болады дейді,- жоба жеңімпаздары. Сұхбатты толығырақ: 18:00-де бүгін көріңіздер.


ҚЫСҚАША АҚПАРАТ: Қарағанды облысында «Zhas Project» жобасы соңғы үш жылда 1000-ға тарта жастың 300-ге тарта жобасы іске асуға мүмкіндік берген. Дүниежүзілік банк пен ҚР Білім және ғылым министрлігі, Қарағанды облысы әкімдігі тарапынан биылдың өзінде аймақтың 155 жобасы қайтарымсыз қаржылай қолдауға ие болған. Жоба жеңімпаздары 5 ай көлемінде ай сайын шәкіртақы алады. Оның көлемі ЖОО түлектері үшін 60 000 теңгені, қалғандары үшін 40 000 теңгені құрайды. Жыл басында басталған жобаға жастардың өз бетінше немесе қабылдаушы ұйым арқылы өтініш беруге мүмкіндігі болғанын еске сала кетелік.

Источники: https://www.instagram.com/p/CHchzBMhMPJ/?igshid=dnj689xgiw38

09.11.2020

МИЛЛИОН ҰТЫП ШАРУАСЫН БАСТАДЫ

Соңғы жылдары Тәуелсіз Отанымыздың тірегі болар жастарға қатысты көптеген игілікті істер, шаралар жүзеге асырылып келеді. Өткен жыл жастар жылы деп аталды. Жастардың жұмыспен қамтылуына, баспаналы болуына негіз қалануда. Мұның бәрі көңіл төрін нұрландыра түседі.


2017 жылдан бері қарай Қарағанды, Алматы облыстарында «Жастар корпусын дамыту», «Жас проджект» жобасы жүзеге асырылып келеді. Оның мақсаты – білімді, іскер, еңбекқор, он саусағынан өнері тамған жастардың жаңа жұмыс орындарын ашуына қолайлы жағдай жасау болып табылады. Жоба жеңімпаздарына 1 миллион теңге грант берілуде. Жоба жеңімпаздары 5 ай тегін жұмыс жасайды. Әлеуметтік жағынан аз қамтылған, қамқорлықты қажет ететін отбасыларына, мүмкіндігі шектеулі жандарға қолдау көрсетеді. 5 айдан кейін шаруасына қажетті алған құрал-жабдықтары өздерінің жеке меншігі болып қала береді.
Райымбек, Кеген аудандары бойынша 2 адам жоба жеңімпазы атанды. Атап айтқанда, Райымбек ауданындағы Қақпақ ауылында тұратын Марғұлан Жолшыұлы ұстахана жұмысы бойынша грант иесі болды. Кеген ауылында тұратын Арай Нұрбайқызы сұлулық салоны үшін грант ұтып алды. Біз жақында Қақпақ ауылындағы ұстахана жұмысын көзімізбен көрдік. Қазақта «Ата көрген оқ жонар», «Ат тұяғын тай басар» деген жақсы тәмсіл бар. Марғұланның әкесі Жолшы Терлікбаев шебер ұсташы. Әсіресе, қыс маусымында Жолшының соққан таға, шегесін тұтынатын тұрғындар көп. Марғұландай жас өрен әкесінің қасында жүріп, жұмысына көмектесіп жүріп ұсталықты меңгеріп алыпты. Бәрекелді! «Жас келсе, іске»,-дегендей, қолына тиген гранттың қаражатына Алматы қаласынан ұстаханасына қажетті 4-5 құрал-жабдық әкеліп орнатып қойыпты. Марғұланның Ертай, Дархан Дәуен атты белді көмекшілері бар. Үшеуіне де 5 ай стипендия төленеді.
-Темірден таға, шеге, үйдің тіршілігіне қажетті қалақ, қысқаш, көсеу тағы басқа заттарды жасап жүрмін. Елдің алғысын алып жүрген жайым бар. Жоба жеңімпазы атанғаныма қуанамын. Әр күнгі жұмысыма дем беріп келеді,-дейді Марғұлан Жолшыұлы.
Он саусағы шебер Марғұлан күмістен сақина, білезік, қыздардың әшекей бұйымдарын да жасайды екен. Мақаланың толық нұсқасын профильде көрсетілген сайтымыздан оқи аласыздар

Источники: https://www.instagram.com/p/CHXinuMHo3L/?igshid=1fwussdo8zaun